Святые - наши помощники и заступники, которые ходатайствуют за нас пред Господом. У каждого верующего есть любимый святой, к которому он обращаетя в различных тягостных обстоятельствах или недоумениях. Если у вас его еще нет - обязательно появится, когда приобретете некоторый опыт церковной жизни.
Комментарии к молитвам взяты мной из молитвослова издательства Сретенского монастыря. Эти комментарии не надо воспринимать слишком буквально - заболела голова - помолился одному святому, живот заболел - начал искать молитву другому...
Комментарии призваны пробудить интерес к жизни и подвигам святых. Читайте жития, и вы поймете, почему сложилась традиция обращаться в определенных ситуациях к определенным угодникам Божиим.


Молитва святому Иоанну Воину
Св. Иоанн Воин, посланный преследовать и убивать христиан, оказам им большую помощь. Всю свою жизнь он посвятил служению ближним. Воин-мученик изобличал в краже воров. Ему молятся об отыскании украденного, от воровства, от обидчиков.

"О, великий Христов мучениче Иоанне, правоверных поборниче, врагов прогонителю и обидимых заступниче! Услыши нас, в бедах и скорбех молящихся тебе, яко дана тебе бысть благодать от Бога печальныя утешать, немощным помогать, неповинныя от напрасныя смерти избавлять и за всех зле страждущих молиться. Буди убо и нам поборник крепок на вся видимыя и невидимыя враги наша, яко да твоею помощию и поборством по нас посрамятся вси являющии нам злая. Умоли Господа нашего, да сподобит ны грешныя и недостойныя рабы Своя получить от Него неизреченная благая, яже уготова любящим Его, в Троице Святей славимаго Бога, всегда, ныне и присно и во веки веков. Аминь."

Молитва святителю Алексию, Митрополиту Московскому
Про святителя Алексия даже иноверцы знали, что "небо ни в чем не отказывает его молитве". Особенно свт. Алексию молятся о даровании прозрения.

"О, пречестная и священная главо и благодати Святаго Духа исполненная, Спасово со Отцем обиталище, великий архиерее, теплый наш заступниче, святителю Алексие! Предстоя у Престола всех Царя и наслаждаяся Света Единосущныя Троицы и херувимски со Ангелы возглашая песнь Трисвятую, велие и неизследованное дерзновение имея ко Всемилостивому Владыце, молися паствы твоея спасти люди, единородный ти язык; благостояние святых церквей утверди; архиереи благолепием святительства украси; монашествующих к подвигом добраго течения укрепи; град сей и вся грады и страны добре сохрани, и веру святую непорочну соблюсти Господа умоли; мир весь предстательством твоим умири, от глада и пагубы избави ны и от нападения иноплеменных сохрани; старыя утеши, юныя настави, безумныя умудри, вдовицы помилуй, сироты заступи, младенцы возрасти, плененным возврати, немощ ствующая исцели, и везде тепле призывающих тя и с верою притекающих к раце честных и многоцелебных мощей твоих, усердно припадающих и молящих ти ся, от всяких напастей и бед ходатайством твоим свободи, да зовем ти: о, Богоизбранный пастырю, звездо всесветлая мысленный тверди, тайнаго Сиона необоримый столпе, миродохновенный цвете райский, всезлатая уста Слова, Московская похвало, всея России украшение! Моли о нас Всещедраго и Человеколюбиваго Христа Бога нашего, да в день Страшнаго Пришествия Его шуияго стояния избавит нас, и радости святых причастники сотворит со всеми святыми во веки. Аминь."

Молитва преподобным Антонию и Феодосию и прочим Печерским чудотворцам

"Преподобнии и богоноснии отцы наши Антоние и Феодосие и вси пре подобнии Печерстии, светила земная пресветлая, от темных мест пещерных в земли Российстей славно просиявший и сию многими светозарными ангелонравнаго вашего жития звезда ми онебесившии, всю же вселенную высоких добродетелей светлостьми и чудес Божественных блистаньми удививший! Се вы ныне, смертным западом плотски на время во гроб зашедше, душами со Христом, Солнцем правды, пребываете, и суще праведницы, просвещаетеся яко солнце во Царствии Небеснем. Тамо убо молитвенныя ваша к Богу Свету лучи в отечестве своем простирающе, не забывайте и ны, присныя ваша молитвенники, аще и в нощи страстей и скорбей пребывающим, свыше благодатными призирати осиянии. Яко да во свете добродетельнаго вашего жития правоходяще, сподобимся зрети свет неприкосновенные славы Божия, хваляще Его купно с вами в нескончаемыя веки веков. Аминь".

Молитва прп. Серафиму Саровскому
Великий наставник, утешитель и целитель, преподобный Серафим - скорый помощник тем, притекающим к его помощи.

"О, пречудный отче Серафиме, великий Саровский чудотворче, всем прибегающим к тебе скоропослушный помощниче! Во дни земнаго жития твоего никтоже от тебе тощь и не утешен отыде, но всем в сладость бысть видение лика твоего и благо уветливый глас словес твоих. К сим же и дар исцелений, дар прозрения, дар немощных душ врачевания обилен в тебе явися. Егда же призва тя Бог от земных трудов к небесному упокоению, николиже любы твоя преста от нас, и невозможно есть исчислити чудеса твоя, умножившаяся, яко звезды небесныя; се бо по всем концем земли нашея людем Божиим являешися и даруеши им исцеления. Тем же и мы вопием ти: о, претихий и кроткий угодниче Божий, дерзновенный к Нему молитвенниче, николиже призывающия тя отреваяй! Вознеси о нас благомощную твою молитву ко Господу сил, да дарует нам вся благопотребная в жизни сей и вся к душевному спасению полезная, да оградит нас от падений греховных и истинному покаянию да научит нас, во еже безпреткновенно внити нам в вечное Небесное Царство, идеже ты ныне в незаходимей сияеши славе, и тамо воспевати со всеми святыми Живоначальную Троицу во веки веков. Аминь."

Молитва преподобному Сергию, Радонежскому чудоворцу
В детстве прп. Сергию трудно давалось учение, но после горячей молитвы Бог послал ему Ангела в виде старца, который благословил отрока. Прп. Сергию молятся о детях, которым трудно дается учеба. К молитвам прп. прибегают для стяжания смрения, избавления от гордыни.

"О, священная главо, преподобие и богоносне отче наш Сергие, молитвою твоею, и верою и любовию, яже к Богу, и чистотою сердца, еще на земли во обитель Пресвятыя Троицы душу твою устроивый, и ангельскаго общения и Пресвятыя Богородицы посещения сподобивыйся, и дар чудодейственныя благодати приемый, по отшествии же твоем от земных наипаче к Богу приближивыйся и небесныя силы приобщивыйся, но и от нас духом любве твоея не отступивый, и честныя твоя мощи, яко сосуд благодати полный и преизливающийся, нам оставивши! Велие имея дерзновение ко Всемилостивому Владыце, моли спасти рабы Его, сущей в тебе благодати Его верующия и к тебе с любовию притекающия. Испроси нам от Великодаровитаго Бога нашего всякий дар, всем и коемуждо благопотребен: веры непорочны соблюдение, градов наших утверждение, мира умирение, от глада и пагубы избавление, от нашествия иноплеменных сохранение, скорбящим утешение, недугующим исцеление, падшим возставление, заблуждающим на путь истины и спасения возвращение, подвизающимся укрепление, благоделающим в делех благих преспеяние и благословение, младенцем воспитание, юным наставление, неведущим вразумление, сиротам и вдовицам заступление, отходящим от сего временнаго жития к вечному благое уготовление и напутствие, отшедшим блаженное упокоение, и вся ны споспешествующими твоими молитвами сподоби в день Страшнаго Суда шуия части избавитися, десныя же страны общники быти и блаженный оный глас Владыки Христа услышати: "Приидите, благословеннии Отца Моего, наследуйте уготованное вам Царствие от сложения мира". Аминь."

Молитва св. великомученице Варваре
Святая просила Господа, чтобы каждый перед своей кончиной покаялся и причастился. По молитвам св. вмц Варвары посылаются обильные врачевания. Святой молятся также о детях, о помощи в унынии и грусти, утешении в печали.

"Святая славная и всехвальная великомученице Христова Варваро!
Собраннии днесь в храме твоем Божественнем людие, раце мощей твоих поклоняющийся и любовию целующий, страдания же твоя мученическая, и в них самаго Страстоположника Христа, давшаго тебе не точию еже в Него веровати, но и еже по Нем страдати, похвалами ублажающе, молим тя, известная желания нашего ходатаице: моли с нами и о нас умоляемаго от Своего благоутробия Бога, да милостивно услышит нас, просящих Его благостьню, и не отставит от нас вся ко спасению и житию нужная прошения, и дарует христианскую кончину живота нашего безболезненну, непостыдну, мирну, Божественных Тайн причастну; и всем на всяком месте, во всякой скорби и обстоянии, требующим Его человеколюбия и помощи, великую Свою подаст милость, да благодатию Божиею и твоим теплым предстательством, душею и телом всегда здрави пребывающе, славим дивнаго во святых Своих Бога Израилева, не удаляющаго помощи Своея от нас, всегда, ныне и присно и во веки веков. Аминь."

Молитва св. мученику Трифону
Еще в детстве своей чистой молитвой прогонял насекомых с поля, грозивших уничтожить весь урожай. Известно его чудо изгнания беса из дочери римского императора. С юных лет обладал даром исцелять больных, оказывать помощь всем, призывающим его в молитвах, особенно в скорбях, тяжких жизненных обстояниях. Св. мч. Трифону молятся и о счастии в браке.

"О Святый мучениче Христов Трифоне, скорый помощниче всем, к тебе прибегающим и молящимся пред святым твоим образом скоропослушный предстателю!
Услыши ныне и на всякий час моление нас, недостойных рабов твоих, почитающих святую память твою на всяком месте. Ты бо, угодниче Христов, сам обещался еси прежде исхода твоего от жития твоего тленнаго молитися за ны ко Господу и испросил еси у Него дар сей: аще кто в коей-либо нужде и печали своей призывати начнет святое имя твое, той да избавлен будет от всякаго прилога злаго. И якоже ты иногда дщерь цареву в Риме граде от диавола мучиму исцелил еси: сице и нас от лютых его козней сохрани во вся дни живота нашего, наипаче же в день страшный последняго нашего издыхания предстательствуй о нас, егда темнии зраки лукавых бесов окружати и устрашати нас начнут: буди нам тогда помощник и скорый прогони тель лукавых бесов, и к Царствию Небесному предводитель, идеже ты ныне предстоиши с лики святых у Престола Божия, моли Господа да сподобит и нас причастниками быти присносущнаго веселия и радости, да с тобою купно удостоимся славити Отца и Сына и Святаго Утешителя Духа во веки. Аминь".

Молитва святым мученикам и исповедникам Гурию, Самону и Авиву
Святым мученикам молятся о покровительстве семейного очага, о добрых отношениях в семье.

"О, преславнии мученицы Гурие, Самоне и Авиве!
К вам, яко скорым помощником и теплым молитвенником, мы немощнии и недостойнии прибегаем, усердно моляще: не презрите ны, во многая беззакония впадшия и по вся дни и часы согрешающия; наставите на путь правый заблуждшия, исцелите страждущия и скорбящия; соблюдите ны в непорочнем и целомудреннем житии; и якоже древле, тако и ныне покровителие супружеств пребудите, в любве и единомыслии сия утверждающе и от всех злых и бедственных обстояний избавляюще.
Защитите, о многомощнии исповедницы, вся православныя христианы от напастей, злых человек и козней демонских; оградите я от нечаянныя смерти, умоляюще Всеблагаго Господа, да великия и богатыя милости нам, смиренным рабом Своим, пробавит. Несмы бо достойни нечистыми устнами призывати великолепое имя Создателя нашего, аще не вы, святии мученицы, за ны ходатаи будете; сего ради к вам прибегаем и предстательства вашего пред Господем о нас просим. Такожде избавите нас от глада, потопа, огня, меча, на шествия иноплеменных, междоусобныя брани, смертоносныя язвы и всякаго душепагубнаго обстояния.
Ей, страстотерпцы Христовы, устройте нам молитвами вашими вся благая и полезная, да благочестно житие временное прешедше и кончину непостыдну стяжавше, удостоимся теплым заступлением вашим со всеми святыми одесную Правосуднаго Бога Судии стати и Того непрестанно славити со Отцем и Святым Духом во веки веков. Аминь".

Молитва святому великомученику и целителю Пантелеймону
Всю жизнь он посвятил страждущим, больным и убогим. Святой "безмездно" лечил всех, кто обращался к нему.

"О, великий угодниче Христов, страстотерпче и врачу многомилостивый Пантелеимоне!
Умилосердися надо мною, грешным рабом, услыши стенание и вопль мой, умилостиви небеснаго, верховнаго Врача душ и телес наших, Христа Бога нашего, да дарует ми исцеление от недуга, мя гнетущаго.
Приими недостойное моление грешнейшаго паче всех человек.
Посети мя благодатным посещением. Не возгнушайся греховных язв моих, помажи их елеем милости твоея и исцели мя, да здрав сый душею и телом, остаток дней моих, благодатию Божиею, возмогу провести в покаянии и угождении Богу и сподоблюся восприяти благий конец жития моего.
Ей, угодниче Божий! Умоли Христа Бога, да предстательством твоим дарует здравие телу моему и спасение души моей. Аминь."

Молитва святой великомученице Екатерине
На Руси святой Екатерине особенно молились девушки - о том, чтобы повстречать хорошего жениха. К помощи святой прибегали и при трудных родах.

"О, святая Екатерино, дево и мученице, истинная Христова невесто!
Молим тя, яко нарочитую благодать, еюже предвари тя Жених твой, Сладчайший Иисус, приимшую: якоже посрамивши прельщения мучителя мудростию твоею, пятьдесят ветий победила еси, и напоивши их Небесным учением, к свету истинныя веры наставила еси, тако испроси и нам оную Божию мудрость, да и мы, вся козни адскаго мучителя расторгше, мира же и плоти соблазны презревше, достойни явимся Божественныя славы, и к расширению святыя нашея православныя веры сосуди достойни соделаемся, и с тобою в Небесней скинии Господа и Владыку нашего Иисуса Христа, со Отцем и Святым Духом, восхвалим и прославим во вся веки веков. Аминь."

Молитва святым мученицам Вере, Надежде, Любови и матери их Софии
Святым мученицам молятся в скорбях и напастях, о непоколебимости в вере.

"Вас, святыя мученицы, Веро, Надеждо и Любы, славим, величаем и ублажаем, купно с мудрою материю Софиею, ейже покланяемся, яко образ богомудраго попечения являющей.
Умоли, святая Веро, Творца видимых и невидимых, да веру крепку, неблазненну и нерушиму подаст нам.
Ходатайствуй, святая Надеждо, пред Господом Иисусом за нас грешных, да упование на благая Своя не отженет от нас, и от всякия скорби и нужды да избавит ны.
Исповеждь, святая Любы, Духу истины, Утешителю, напасти и печали наша, да Той свыше сладость небесную низпослет душам нашим.
Помозите убо в бедах наших, святыя мученицы, и, купно с мудрою материю вашею Софиею, молите Господа Бога, да сохранит под покровом Своим Церковь Свою Святую.
Такожде и о всех нас вашего теплаго предстательства пред Богом усердно молим, да купно с вами и со всеми святыми превознесем и препославим пресвятое и великое имя Отца и Сына и Святаго Духа Бога, предвечнаго Владыки и благих Содетеля, ныне и присно и во веки веков. Аминь."

Молитва святому равноапостольному князю Владимиру
Святой Владимир, крестивший Русь - молитвенник за Российское государство, за православный народ. Почти ослепший, он прозрел после принятия крещения. К его молитвам прибегают, в том числе, для избавления от глазных болезней.

"О великий угодниче Божий, богоизбранный и богопрославленный, равноапостольный княже Владимире!
Ты отринул еси зловерие и нечестие языческое, уверовал еси во Единаго Истиннаго Триипостаснаго Бога и, восприяв Святое Крещение, просветил еси светом Божественныя веры и благочестия всю страну Русскую. Славяще убо и благодаряще Премилосердаго Творца и Спасителя нашего, славим, благодарим и тя, просветителю наш и отче, яко тобою познахом спасительную веру Христову и крестихомся во Имя Пресвятыя и Пребожественныя Троицы: тою верою избавихомся от праведнаго осуждения Божия, вечнаго рабства диаволя и адова мучительства; тою верою восприяхом благодать всыновления Богу и надежду наследования Небеснаго блаженства. Ты еси первый вождь наш к Начальнику и Совершителю нашего вечнаго спасения Господу Иисусу Христу; ты еси теплый молитвенник и ходатай о стране Российстей, о воинстве и о всех людех. Не может язык наш изобразити величие и высоту благодеяний, тобою излиянных на землю нашу, отцев и праотцев наших и на нас, недостойных.
О всеблагий отче и просветителю наш! Призри на немощи наша и умоли премилосердаго Царя Небеснаго, да не прогневается на ны зело, яко по немощем нашим по вся дни согрешаем, да не погубит нас со беззаконьми нашими; но да помилует и спасет нас, по милости Своей, да всадит в сердце наше спасительный страх Свой, да просветит Своею благодатию ум наш, во еже разумети нам пути Господни, оставити стези нечестия и за блуждений, тщатися же во стезях спасения и истины, неуклоннаго исполнения заповедей Божиих и уставов Святыя Церкве.
Моли, благосерде, Человеколюбца Господа, да пробавит нам великую милость Свою, да избавит нас от нашествия иноплеменных, от внутренних нестроений, мятежей и раздоров, от глада, смертоносных болезней и от всякаго зла, да подаст нам благорастворение воздуха и плодоносие земли, да даст пасты рем ревность о спасении пасомых, всем же людем споспешение о еже усердно службы своя исправляти, любовь между собою и единомыслие имети, на благо же Отечества и Святыя Церкве верне подвизатися, да возсияет свет спасительныя веры в стране нашей во всех концех ея, да упразднятся вся ереси и расколы, да тако поживше в мире на земли, сподобимся с тобою вечнаго блаженства, хваляще и превозносяще Бога во веки веков. Аминь."

Молитва святому благоверному князю Даниилу Московскому
Нестяжанием, любовью и братолюбием он возвысил Москву, положил начало объединения Руси в единую мощную державу. Многие, прибегающие в молитвах к святому князю Даниилу, получают исцеление от болезней и помощь в разных нуждах.


"Церкве Христовы похвало высокая, града Москвы стено необоримая, державы Российския Божественное утверждение, преподобие княже Данииле!
К раце мощей твоих притекающе, усердно молим тя: призри на нас, память твою воспевающих и с верою под кров молитв твоих прибегающих. Пролей теплое твое ходатайство ко Спасу всех, яко да утвердит миром страну нашу, грады и веси ея и обитель сию добре да сохранит, благочестие и любовь в людех твоих насаждая, злобу же, междоусобие и нравов развращение искореняя. Всем же нам вся благая ко временному животу и вечному спасению даруй молитвами твоими, яко да прославляем дивнаго во святых Своих Христа, Бога нашего, во веки веков. Аминь."


Молитва вторая святому благоверному князю Даниилу Московскому

"О угодниче Божий, Святый благо верный княже Данииле, сада Христова благовонный цвете, Неба церковнаго кроткая звездо, земли нашея небесный уме, града Москвы и державы нашея мудрый здателю, теплый к Богу молитвенниче, скорый в помощи, милостивый в нуждах!
К тебе припадаем и тебе молимся: буди предстатель наш пред Престолом Божия славы неусыпный. Собери нас друг ко другу, да печали ближняго своего кийждо любовию нелицемерною приобщается. Онебеси ум наш, да, иго тяжкое земных попечений отвергше, бремя легкое Христова Евангелия возлюбим. Открый очи наши, да узрим нетленную красоту Господню и да не отчуждени будем жизни Божия. Тихость Духа Божия да соблюдет сердца наша. Весна покаяния да украсит дела наша. Княже милостивый и щедрый, сохрани страну нашу, град твой и зде молящихся тебе от всякия напасти, от враг видимых и невидимых, от губительства и глада, от междоусобныя распри и внезапныя смерти. Отверзи нам двери милосердия Божия и избави нас от всякаго зла. Под крепкий покров благостыни твоея прибегающе, молим: буди нам тихое пристанище в скорбех. Остени нас молитвами твоими. Соблюди нас от падений греховных и заблуждений, да сердцем сокрушенным, духом смиренным в печали и радости присно зовем: Господи, предстательством преподобнаго Твоего помилуй нас. Аминь".

Молитва священномученику Ермогену, Патриарху Московскому
Все свои силы он отдавал служению Церкви и Отечеству в Смутное время. Призывая к освобождению Родины от поляков, он даже из заключения, куда был помещен захватчиками, благословлял русский народ продолжать освободительную войну.


"О угодниче Христов, святителю отче наш Ермогене!
К тебе, молитвенни ку теплому и предстателю непостыдному, усердно притекаем, в нуждах и скорбях наших утешения и помощи просяще. Помози нам, рабам Божиим (имена), заступниче наш! Утверди нас в вере святей: научи нас всегда творити заповеди Божия и вся предания церковная, от отец нам заповеданная, буди нам благосердый отец и теплый молитвенник, яко да прославим имя Живоначальныя Троицы Отца и Сына и Святаго Духа во веки. Аминь".

Молитва преподобному Иосифу, игумену Волоцкому

"О великий православныя веры ревнителю и учителю, святе премудре Иосифе!
Приими моление, от нас, грешных, тебе приносимое, и теплым предстательством умоли в Троице славимаго Бога, да низпослет Он богатыя Своя милости нам, грешным, и рабам Божиим (имена), да отложит праведный гнев Свой, движимый на ны, да избавит нас и зде поминаемых от враг видимых и невидимых.
Ей, премилосердый заступниче наш, испроси молитвами твоими нам прощение грехов, исправление жития нашего, от болезней и всяких недугов исцеление, от наветов и козней диавольских избавление, паче же спасение душам нашим подаждь и небесных благ восприятия сподоби, благодатию и человеколюбием Живоначальныя Троицы, Отца и Сына и Святаго Духа, во веки веков."

Молитва святому великомученику Никите
Святой пострадал за веру. Его тело, брошенное в огонь, не сгорело, после долгого хранения было перенесено в храм. Ему молятся о здравии детей.

"О великий Христов страстотерпче Никито!
Услыши молитву нас, грешных, и избави нас (имена) от всякия печали и находящия напасти, от внезапныя смерти и от всякаго зла: в час же разлучения души от тела отжени, страстотерпче, всякую лукавую мысль и лукавыя бесы, яко да приимет души наши с миром в место светло Христос Господь Бог наш, яко от Него очищение грехов, и Той есть спасение душ наших, Емуже подобает всякая слава, честь и поклонение со Отцем и Святым Духом, ныне и присно и во веки веков."

Молитва святителю Димитрию Ростовскому
Свт. Димитрий жертвовал свое состояние на больных, нищих, беззащитных. Ему молятся о заступничестве вдов и сирот, о сострадании и помощи в бедности и нужде.

"О святителю Димитрие, великий угодниче Христов, златоусте Российский!
Услыши нас грешных, молящихся тебе, и принеси молитву нашу к Человеколюбцу Богу о рабах Божиих (имена). Умоли Его благосердие, да не осудит нас по беззаконием нашим, но да сотворит с нами по милости Своей. Испроси нам у Христа Бога нашего мирное и безмятежное житие, здравие душевное и телесное. Даруй нам богоугодно прейти поприще временныя жизни: избави нас от воздушных мытарств и настави нас на путь, ведущий в селения праведных; подаждь нам твое архипастырское и святое благословение, да оным осеняеми, избавимся от козней лукаваго и избегнем от всякой беды и напасти. Услыши моление наше, отче Димитрие, и моли непрестанно о нас Всесильнаго Бога, славимаго и покланяемаго в трех Ипостасех, Емуже подобает всякая слава, честь и держава во веки веков."

Молитва святому Пророку и Крестителю Иоанну
Как проповеднику покаяния, ему молятся о даровании покаянного чувства. На Руси святому молились о покровительстве посевов, плодородии, при освящении пчельника.

"Крестителю Христов, Честный Предтече, ближний друже Христов!
Тя молю, к тебе прибегаю: не отрини мене от твоего заступления, но возстави мя падшагося многими грехи: обнови душу мою покаянием, яко вторым крещением; очисти мя, грехми оскверненнаго, и пронуди внити, аможе ничтоже скверно входит, во Царствие Небесное".

Молитва Апостолу и евангелисту Иоанну Богослову
Св. апостолу Иоанну, как и остальным евангелистам, молятся о добрых отношениях в семье, о совете и любви между мужем и женой.

"О всехвальный апостоле и евангелисте Иоанне Богослове!
Умоли Господа Бога даровати нам (имена), оставление всех прегрешений наших, елико согрешихом от юности нашея во всем житии нашем делом, словом, помышлением и всеми нашими чувствы: во исходе же душ наших помози нам, грешным (имена), избавитися от воздушных мытарств и вечнаго мучения, да твоим милостивым предста тельством прославляем Отца и Сына и Святаго Духа, ныне и присно, и во веки веков."

Молитва святому великомученику Димитрию Солунскому
В возрасте 20 лет святой был назначен проконсулом Фессалиникийской области, но вместо того, чтобы преследовать и казнить христиан, стал учить жителей христианской вере. Память св. Дмитрия на Руси издавна связывается с воинской доблестью. Ему молятся о прозрении очей.

"Святый великомучениче Христов Димитрие!
Предстоя со дерзновением Небесному Царю, испроси у Него прощение согрешений наших и о еже избавитися нам, окаянным (имена) от всегубительныя язвы, огня и вечныя казни. Моли благость Его, еже ущедрити приход (дом) сей и храм наш. Испроси нам благодатное укрепление на дела благая, да благоугодное Владыце нашему, Христу Богу, зде творяще, сподобимся молитвами Твоими наследовати Царствие Небесное и тамо прославляти Его, со Отцем и Святым Духом, во веки веков".

Молитва преподобному Варлааму Хутынскому
Прп. Варлаам имел великий дар прозорливости и чудотворений.

"О преподобие и богоносне отче наш Варлааме!
Услыши нас, молящихся тебе, и буди нам помощник в скорбех наших, и избави нас от напастей, за множество прегрешений находящих на ны: умоли, угодниче Христов, Всеблагаго Бога даровати нам оставление всех от юности нашея до настоящаго дне и часа делом, словом, помышлением и всеми чувствы содеянных нами согрешений, исходатайствуй нам невозбранный вход в Небесное Царствие, да прославляем непрестанно славимую от Ангел все святую Троицу, Отца и Сына и Святаго Духа, и твое милостивное предстательство, в безконечныя веки. Аминь."

Молитвы ангелам:

Молитва св. Архистратигу Божию Михаилу
Архистратиг Михаил (с еврейского "кто как Бог") поставлен Господом над всеми девятью Ангельскими чинами. Ему молятся при входе в новый дом.

"О святый Михаиле Архангеле, помилуй нас, грешных, требующих твоего заступления, сохрани нас, раб Божиих (имена), от всех видимых и невидимых враг, паче же подкрепи от ужаса смертнаго и от смущения диавольскаго и сподоби нас непостыдно предстати Создателю нашему в час Страшнаго и праведнаго Суда Его.
О всесвятый, великий Михаиле Архистратиже! Не презри нас, грешных, молящихся тебе о помощи и заступлении твоем в веце сем и в будущем, но сподоби нас тамо купно с тобою славити Отца и Сына и Святаго Духа во веки веков."


Молитва св. Архангелу Гавриилу
Святой Архистратиг Гавриил - благовестник Таин Божиих и "служитель чудес".

"О святый Архангеле Гаврииле!
Всеусердно молим тя, настави нас, раб Божиих (имена), к покаянию от злых дел и ко утверждению в вере нашей, укрепи и огради души наша от искушений прельстительных и умоли Создателя нашего о отпущении грехов наших. О святый великий Гаврииле Архангеле! Не презри нас грешных, молящихся тебе, в веце сем и в будущем, но присно помощник нам явися, да непрестанно славим Отца и Сына и Святаго Духа во веки веков."

Молитва св. Архангелу Рафаилу
Архангел Рафаил - целитель человеческих недугов. Архангел Рафаил помог Товии найти невесту, потому ему особенно молятся о счастии в браке.

"О святый Архангеле Рафаиле!
Всеусердно молим тя, буди нам путеводитель в жизни нашей, сохрани от всех видимых и невидимых враг, исцели душевныя и телесныя болезни наша, управи жизнь нашу к покаянию во гресех и ко творению добрых дел. О Святый великий Рафаиле Архангеле! Услыши нас, грешных раб Божиих (имена), молящихся тебе, и сподоби в здешней и в будущей жизни благодарити и славити общаго Создателя нашего в безконечныя веки веков."



Ангелу хранителю
Каждому человеку Господь дает Ангела хранителя, который невидимо охраняет человека всю его земную жизнь от бед, предостерегает от греха, оберегает в час смерти. Ангел хранитель - скорый помощник в любой беде и болезни.

"Ангеле Божий, хранителю мой Святый, на соблюдение мне от Господа с Небесе данный, прилежно молю тя: ты мя днесь просвети и от всякаго зла сохрани, ко благому деянию настави и на путь спасения направи. Аминь."

Молитва св. благоверному князю Александру Невскому

О Святый благоверный княже Александре!
Призри милостивно на ны, недостойныя рабы Божий (имена), и исходатайствуй нам житие тихое и безмятежное, и к вечному Царствию шествие неуклонное твоим предстательством устрой нам, да сохранит нас Господь Бог Своею благодатию в мире, здравии, долгоденствии и всяком благополучии в должайшая лета, да присно славим и благословим Бога в Троице Святей славимаго, Отца и Сына и Святаго Духа, ныне и присно, и во веки веков.

Молитва свт. Митрофану Воронежскому - этому святому особо молятся о жизненном устройстве детей

"О святителю, отче Митрофане!
Приими сие малое моление от нас, грешных раб Божиих (имена), к тебе прибегающих, и теплым твоим предстательством умоли Господа и Бога нашего, Иисуса Христа, яко да подаст нам согрешений наших прощение и избавит нас от бед, печалей, скорбей и болезней душевных и телесных, об держащих нас; да подаст вся на пользу настоящаго жития нашего потребная; да дарует нам скончати житие сие привременное в покаянии и да сподобит нас, грешных и недостойных, Небеснаго Царствия Своего, во еже со всеми святыми славити Его безконечное милосердие, со Безначальным Его Отцем и Святым и Животворящим Его Духом, во веки веков."

Молитва сщмч. Клименту, папе Римскому - к его молитвам прибегают при обидах и гонениях

"О великий чудотворче, свещенномучениче Клименте! Приклонися ныне к нашим воздыханием сердечным и помози нам во временнем житии сем творити вся в Законе Божий предложенная, всякаго же греха отметатися. Ты, великий подвижниче, от юности твоея клеветы претерпевый, многия же болезни душевныя и труды понесый, помолися ко Господу Богу о нас, грешных и недостойных раб Божиих (имена), да твоим предстательством и заступлением подаст Всеблагий и нам, грешным, силу и крепость во благодушии претерпевати клеветы человеческия и яже на земли скорби и сохранити заповеди Его, да прославим пречестное и великолепое имя Господа Бога и Его благодать, данную тебе, во веки веков".